ޅ.އަތޮޅުގައި ހިންގާ ރިސޯޓެއްގައި ޗުއްޓީ ހޭދަ ކުރަމުން ދިޔަ ފަތުރުވެރިޔަކު ސްނޯކްލިން އަށް ގޮސް އުޅެނިކޮށް މަރުވެފައިވާކަމަށް ފުލުހުން ބުނެފިއެވެ.
ފުލުހުން ބުނީ ޅ.އަތޮޅުގައި ހިންގާ ރިސޯޓެއްގައި ޗުއްޓީ ހޭދަކުރަމުން ދިޔަ ޖަޕާނުގެ 70 އަހަރުގެ ފިރިހެން ފަތުރުވެރިއަކު ސްނޯކްލިންއަށް ގޮސް އުޅެނިކޮށް މޫދުގައި މަރުވެފައި އޮއްވާ ފެނުނު މައްސަލައެއް މި މަހުގެ 27 ވަނަ ދުވަހު 08:33 ހައރު ރިޕޯޓުކޮށްފައިވާ ކަމަށެވެ.
މި މައްސަލަ ފުލުހުން ތަހުގީގުކުރަމުން އަންނަކަމަށް ބުނެފައިވާއިރު މައުލޫމާތު ލިބިފައިވާ ގޮތުން މަރުވެފައި އޮއްވާ ފެނުނީ ޖަޕާނުގެ މަޖިލިސް މެންބަރަކެވެ.
ބޭރުގެ ބައެއް މީޑިއާތަކުން ޖަޕާނުގެ މަޖިލިސް މެންބަރެއް ކަމަށްވާ ޓޮޝިޔުކި އަޑާޗި ރާއްޖޭގައި މަރުވެގެން އުޅޭކަމަށް ރިޕޯޓްކޮށްފައިވާއިރު އޭނާގެ މި ދަތުރަކީ ޑިސެމްބަރު 25، 2024 އިން ޖެނުއަރީ 6، 2025 އަށް ޝެޑިއުލް ކުރި ދަތުރެއްކަމަށް މީޑިއާ ރިޕޯޓްތައްވަނީ ބުނެފައެވެ.
