ރާއްޖޭގެ 6 ރަށެއްގައި ދިރިއުޅޭ ކުދިންނަށް ބީއެމްއެލް އިން 300 ބައިސްކަލު ހަދިޔާކޮށްފިއެވެ.
ބީއެމްއެލް އިން ބުނީ ބައިސިކަލް ހަދިޔާކޮށްފައި ވަނީ 14 އަހަރާއި 17 އަހަރާ ދެމެދުގެ ކުދިންނަށް ކަމަށެވެ. މި ބައިސިކަލްތައް ހަވާލުކޮށްފައިވަނީ ރާއްޖޭގެ 6 ޖަމިއްޔާއެއް މެދުވެރިކޮށެވެ،
ބީއެމްއެލްއިން ވަނީ މިއީ ޒުވާނުން މެދުގައި ދުޅަހެޔޮ ދިރިއުޅުމެއް އާދަކުރުވުމާއި ތިމާވެއްޓާ ރައްޓެހި ދަތުރުފަތުރުގެ ވަސީލަތްތައް ބޭނުންކުރުމަށް ހިތްވަރުދިނުމަށް ބޭންކުން ހިންގި ޕްރޮގްރާމެއް ކަމަށް ބުނެފައެވެ.
ބީއެމްއެލް އިން ބައިސިކަލު ހަދިޔާކުރި ރަށްތަކާއި އެ ޕްރޮގްރާމް ހިންގުމުގައި ބައިވެރިވި ޖަމްއިއްޔާތަކަކީ:
– ހއ. ދިއްދޫ: ދިއްދޫ ކުރިމަގު
– ބ. އޭދަފުށި: ވެސްޓް ވިންގްސް
– ކ. މާފުށި: ސްޓާ ސްޕޯޓްސް ކްލަބް
– ނ. މަނަދޫ: ޗެސްޓާ
– މ. މުލައް: ކޮމިއުނިޓީ އެމްޕަވާމެންޓް ލިންކޭޖް
– ވިލިމާލެ: ސޭވް ދަ ބީޗް
