ދިވެހިރާއްޖޭގެ ފަޚުރުވެރި 59 އަހަރު ފުރޭ މިނިވަން ދުވަހުގެ މުނާސަބަތުގައި ސިފައިންގެ “މަގުމަތީ ހިނގާލުން” ހުޅުމާލޭ ފޭސް 1ގައި ބާއްވައިފިއެވެ.
މިއަދު، މަގުމަތީ ހިނގާލުން ފަށާފައިވަނީ، ހަވީރު 16:15 ގައި ހުޅުމާލޭ ކޯސްޓްގާޑް އުޅަނދުފަހަރު ބަނދަރުކުރާ ސަރަހައްދުންނެވެ.
މި ހިނގާލުމުގެ ލަޝްކަރު ވަނީ ޖުމްލަ ތިން ތަނެއްގައި ހުއްޓައި، މިއިން ކޮންމެ ތަނެއްގައި މިލިޓަރީ ބޭންޑުގައި ރާގު ކުޅެފައެވެ. މި ހިނގާލުން ނިންމާލާފައި ވަނީ ކަލާސީނުކޮށްޓަށެވެ.
މި ހިނގާލުން ބަލާލުމަށް ހުޅުމާލޭގެ މަގުތަކަށް ގިނަ ބަޔަކު ނިކުމެފައިވެއެވެ. ވަކިން ޚާއްސަކޮށް ގިނަ އަދަދެއްގެ ތުއްތުކުދިން މަގުތަކަށް ނިކުމެ، ވަނީ މި ހިނގާލުން ބަލާފައެވެ.
މިނިވަން ދުވަހުގެ މުނާސަބަތުގައި އެމްއެންޑީއެފް އިން ވަނީ މާލޭގައި ވެސް ޝަރަފްގެ ހިނގާލުން ބާއްވާފައެވެ. ހުކުރު ދުވަހު ހަވީރު ބޭއްވި މި ހިނގާލުމަށް ވެސް ގިނަބައެއްގެ ތަރުހީބު ވަނީ ލިބިފައެވެ.
