ތިނަދޫ ސިޓީއަށް ދިމާވެފައިވާ ފެނުގެ މައްސަލަ ވަގުތީގޮތުން މިހާރު ހައްލުކޮށްފައިވާ ކަމަށް ފެނަކަ ކޯޕަރޭޝަނުން ބުނެފިއެވެ.
ފެނަކައިން ބުނީ ތިނަދޫ ސިޓީގެ ފެންޕްލާންޓަށް ދިމާވި ޓެކްނިކަލް މައްސަލަ ވަގުތީގޮތުން ޙައްލުކޮށް، ޕްލާންޓް އޮޕަރޭޝަނަށް ގެނެވި ފެން އުފައްދަން ފަށާފައިވާކަމަށެވެ.
މީގެ އިތުރުން އެ މައްސަލައަށް ދާއިމީ ހައްލެއް ހޯދުމުގެ މަސައްކަތް ޓެކްނިކަލް ޓީމުން ކުރަމުންދާ ކަމަށް ވެސް ބުނެއެވެ. އަދި މި މަސަައްކަތް ކުރިއަށްދާއިރު، ބައެއް ގަޑިތަކުގައި ފެނުގެ ޚިދުމަތް މެނދުކެނޑުމަކީ އެކަށީގެންވާކަމެއް ކަމަށް ވެސް ބުނެއެވެ.
ތިނަދޫ ފެން ޕްލާންޓަށް މައްސަލަ ދިމާވެ، ދެދުވަސްތެރޭ އެކަން ހައްލުކުރެވިފައިވާ ކަމަށް ފެނަކައިން ބުނެއެވެ.
