އައި ރަނަރސް އިން އައްޑޫސިޓީގައި އަންނަ ޑިސެމްބަރ މަހުގެ 8 ވަނަ ދުވަހު ދުވުމެއް ބާއްވަން ނިންމައިފިއެވެ
އައި ރަނަރސްގެ ފައުންޑަރ ޙުސައިން ސުޖާޢު ވިދާޅުވީ މި ފަހަރު ބާއްވަނީ 5 ކިލޯމީޓަރުގެ ދުވުމެއްކަމަށާއި މި ދުވުމުގައި ރަޖިސްޓްރީވުމަށް ވަރަށް އަވަހަށް ހުޅުވާލާނެކަމަށެވެ. އަދި ‘އައި ރަނަރސް އައްޑޫ5K’ ގައި ކުޑަކުދިންނަށް ޚާއްސަ ދުވުމަކާއި ބޮޑެތި މީހުންނަށް ޚާއްސަ ދުވުމެއް ބާއްވާނެ ކަމަށް ސުޖާޢުވަނީ ވިދާޅުވެފައެވެ. ޗެރިޓީ އިވެންޓެއްގެ ގޮތުގައި ކުރިއަށް ގެންދިއުމަށް ހަމަޖެހިފައިވާ މި އިވެންޓުން ލިބޭ ހުރިހާ ފައިސާއެއް ހަރަދުކުރުމަށް ނިންމާފައިވަނީ އައްޑޫގެ އެންޖީއޯއަކަށެވެ.
އައި ރަނަރސް އިން ވަނީ މިދިޔަ އޯގަސްޓް މަހުގެ ތެރޭގައި ‘އައްޑޫ މެރަތަން’ ގެ ނަމުގައި މެރަތަންއެއް ބާއްވާފައެވެ
