މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓުން ރާއްޖޭގައި ފުރަތަމަ ފަހަރަށް “ސިވިލް ސޮސައިޓީ އެވޯޑްސް”ގެ ނަމުގައި ތަޢާރަފްކުރި އެވޯޑް 10 ޖަމިއްޔާ އަކަށް ދެއްވައިފިއެވެ.
ރޭ ސޯޝަލް ސެންޓަރުގައި ބޭއްވި މި ރަސްމިއްޔާތު ޝަރަފްވެރިކޮށްދެއްވެވީ ރައީސުލް ޖުމުހޫރިއްޔާ އިބްރާހިމް މުޙައްމަދު ޞޯލިޙް އެވެ.
ސިވިލް ސޮސައިޓީ އެވޯޑުގެ މަޤްޞަދުތަކުގެ ތެރޭގައި، އިޖްތިމާޢީ ގޮތުން މުޖުތަމަޢު ބާރުވެރިކުރުވުމަށް އަމިއްލައަށް އިސްނަގައިގެން މަދަނީ ޖަމްޢިއްޔާތައް އަދާކުރާ ދައުރާމެދު ހޭލުންތެރިކަން އިތުރުކުރުމާއި އެކަންކަމުގެ އަގުވަޒަންކުރުމާއި ދަރުމަވެރި ޖަމްޢިއްޔާތަކުގެ ތެރެއިން ނަމޫނާ ޚިދުމަތްތަކެއް ދޭ ޖަމްޢިއްޔާތަކަށް ހިތްވަރު ދިނުމާއި އަގު ވަޒަންކުރުން ހިމެނެއެވެ.
މި ފަހަރު އެވޯޑު ދީފައިވާ ދާއިރާ ތަކަކީ:
މި ހަފްލާގައިވަނީ ޖަމިއްޔާތަކާއި ގުޅުން ހުރި މަސައްކަތް ޒަމާނީ ޓެކްނޮލޮޖީގެ އަލީގައި އަވަސްކަމާއެކު ކުރިއަށް ގެންދިއުމަށް ތައްޔާރުކުރި “މީސް ޕޯޓަލް” އިފްތިތާޙް ކޮށްފައެވެ.
މީސް ޕޯޓަލްއަކީ ކުޅިވަރު ކްލަބްތަކާއި، މަދަނީ ޖަމްއިޔާތަކާއި، ގައުމީ ކުޅިވަރު އެސޯސިއޭޝަންތައް ރެޖިސްޓްރީ ކުރުމާއި، އެތަންތަން އިދާރީ ގޮތުން އަދި ގާނޫނީ ގޮތުން ހިންގުމުގައި ކުރަންޖެހޭ ކަންކަން ކުރުމަށް ޔޫތު މިނިސްޓްރީން އުފެއްދި ޕޯޓަލްއެކެވެ.