މޯލްޑިވްސް ބްރޯޑްކާސްޓިންގ ކޮމިޝަން (ބްރޯޑްކޮމް)ގެ މެންބަރުކަމަށް ޢައްޔަނުކުރުމަށް ރައީސުލްޖުމްހޫރިއްޔާ އިތުރު ހަތަރު ބޭފުޅެއްގެ ނަން ރައްޔިތުންގެ މަޖިލީހަށް ހުށަހަޅުއްވައިފިއެވެ.
ބްރޯޑްކޮމްގެ މެންބަރުކަމަށް ބޭފުޅަކު ޢައްޔަނުކުރަނީ އެ ކޮމިޝަންގެ މެންބަރު، އަމްޖަދު ވަޙީދުގެ މެންބަރުކަމުގެ ދައުރު 15 މާރިޗު 2023ގެ ނިޔަލަށް ހަމަވާތީއެވެ.
ބްރޯޑްކޮމްއަށް ޢައްޔަނުކުރުމަށް ރައީސުލްޖުމްހޫރިއްޔާ ހުށަހެޅުއްވި ނަންތައް
މި މަޤާމަށް ޢައްޔަނުކުރުމަށް ރައީސް ހުށަހެޅުއްވި ނަންތައް ދިރާސާކުރުމަށް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް މިހާރު ވަނީ ފޮނުވައިފައެވެ.
ބްރޯޑްކޮމްގެ މެންބަރަކު އިސްތިއުފާދެއްވުމާ ގުޅިގެން އެ ކޮމިޝަނަށް ޢައްޔަނުކުރުމަށް މިނިވަން މުއައްސަސާތަކުގެ ކޮމިޓީން ވަނީ ތިން ބޭފުޅެއްގެ ނަން ފާސްކޮށް މަޖިލީހުގެ ތަޅުމަށް ފޮނުވައިފައެވެ. މިހާރު އެ ކޮމިޝަނުގައި ތިއްބަވަނީ ހަ ބޭފުޅުންނެވެ. އެއީ މަރިޔަމް ވަހީދާއާއި އަމްޖަދު ވަހީދާއި ޢަލީ ޔޫސުފާއި އާމިނަތު އަމީނާއާއި މުޙައްމަދު ފަޒީން އަދި ޝިފްލާ އިބްރާހީމެވެ.
