ރާއްޖެއަށް އިންޑިއާއިން 580 ޓަނުގެ ކާބޯތަކެތީގެ ހިލޭ އެހީ މިއަދު ލިބޭނެއެވެ.
އިންޑިއާގެ އަސްކަރީ މަނަވަރު އައިއެސްއެސް ކޭސަރީ އިން ގެންނަ މި ޝިޕްމެންޓުގައި ހިމެނެނީ
200 ޓަނުގެ ހަނޑޫ
140 ޓަނުގެ ގޮދަން ފުށް
90 ޓަނުގެ ހަކުރު އަދި
120 ޓަނުގެ ރީނދޫ މުގެވެ.
އިންޑިއަން ހައިކޮމިޝަނުން ކުރި ޓުވީޓެއްގައި ބުނީ މިއީ ދެޤައުމުގެ ދެމެދުގައިވާ އެކުވެރިކަމުގެ ރަމްޒެއްގެ ގޮތުން ރާއްޖެއަށް ފޯރުކޮށްދެވޭ ރޯދަ ހަދިޔާ އެއް ކަމަށެވެ.
580 tons of food aid to reach Maldives shortly! #INSKesari carrying the food aid will first halt at #Maldives as part of India’s helping hand across the Indian Ocean. It is a token of goodwill from #India to the people of Maldives during the holy month of Ramadan. pic.twitter.com/CFZUUP30Kl
— India in Maldives (@HCIMaldives) May 10, 2020
ކޮވިޑް 19 ދުނިޔޭގައި ހަލުވި ކަމާއެކު ފެތުރެން ފެށިފަހުން ރައީސުލް ޖުމްހޫރިއްޔާ އިބްރާހިމް މުޙައްމަދު ސޯލިޙް ވަނީ އިންޑިއާގެ ބޮޑުވަޒީރު ނަރެންދުރަ މޯދީއާއި ފޯނުން ގުޅުއްވާ މިފަދަ ކާރިސާއަކާއި ޤައުމުތަކުން ކުރިމަތިލާއިރު ދެޤައުމުގެ ރައްޔިތުންނަށް ކުރިމަތިވެދާނެ ނުރައްކަލަކުން އަރައިގަތުމާއި ބެހޭ ގޮތުން މަޝްވަރާކޮށް ރާއްޖެއަށް ކާބޯތަކެތީގެ އެހީ ބޭނުންވާކަން ހާމަކުރައްވާފައެވެ. ދެކުނު އޭޝިއާގެ ޤައުމުތަކަށް ނަމޫނާ ދައްކަވަމުން އިންޑިއާގެ ޢަސްކަރީ މަނަވަރު ރާއްޖެއަށް އެހީގެ ތަކެއްޗާއެކު މިސްރާބު ޖަހާފައިވާ އިރު މި މަނަވަރު ދެން ބަނދަރު ކުރުމަށް ހަމަ ޖެހިފައިވަނީ އިންޑިއާ ކަނޑުގައިވާ ޖަޒީރާ ޤައުމުތަކުގެ ތެރެއިން މޮރިޝަސް،ސީޝެލްސް،މަޑަގަސްކަރަ އަދި ކޮމޮރޮސް އަށެވެ.
ކޮވިޑް 19 ދުނިޔޭގައި ފެތުރި ޤައުމު ތަކުގެ ދޮރާށިތައް ބަންދުވެ ރާއްޖެއަށް ބޭނުންވާ ތަކެތި ލިބުމުގެ ދަތިތަކާ ކުރިމަތިލާން ޖެހިފައިވާ މި ދަނޑިވަޅުގައި ވޭތުވެ ދިޔަ 2 މަހެއްހާ ދުވަހުގެ ތެރޭ އިންޑިއާއިން ވަނީ ގިނަ އެހީތަކެއް ފޯރުކޮށްދީފައެވެ. އޭގެ ތެރޭގައި ސިއްޙީ މާހިރުންގެ ޓީމްތައް ފޮނުވުމާއި،ޗައިނާއިން ފުރަތަމަ ބަލިފެނުން ވޫހާން ގައި ތާށިވެފައިތިބި ދިވެހިން ސަލާމަތްތެރިކަމާއެކު އެޤައުމުން ގެނެސް އިންޑިއާގައި ކަރަންޓީން ކޮށް މުއްދަތު ހަމަވުމުން ރާއްޖެއަށް ލައިދިނުމާއި ބޭހުގެ ޝިޕްމަންޓްތައް ރާއްޖެއަށް ފޯރުކޮށްދިނުމުގެ އިތުރަށް ކޮވިޑް 19 އިން ސަލާމަތް ވުމުގައި ވެދެވެން ހުރި އެހީތެރިކަމަކާއި ޢިލްމީ އުކުޅުތައް ޙިއްސާ ކުރުން ހިމެނެއެވެ.
Warmly appreciate the generous donation of essential medicines of 3 months supply to the people of Maldives by the Indian Government. It will be a tremendous help as we combat the #COVID19.
One country alone cannot face this pandemic. Together, we shall prevail. pic.twitter.com/YUheQWNlRn— Abdulla Shahid (@abdulla_shahid) March 14, 2020
