ކޮވިޑް-19 އަށް ރާއްޖެއިން ޕޮޒިޓިވްވި މީހުންގެ ތެރެއިން އިތުރު ދެ ދިވެއްސަކު ރަނގަޅުވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނީ ވެލިދޫ ކަރަންޓީނު ފެސިލިޓީގައި އެކަހެރި ކޮށްފައި ތިބި ދެ ދިވެއްސަކު ކޮވިޑް-19 ބަލިން ރަނގަޅުވެފައިވާ ކަމަށެވެ. އެގޮތުން އެ ދެ މީހުންވެސް ކޮވިޑް-19 ޓެސްޓަށް ދެ ފަހަރު ނެގެޓިވްވެފައިވާ ކަމަށެވެ.
Two Maldivian nationals who previously tested positive for #COVID19 and were isolated at Velidhoo Isolation facility, have now recovered after testing twice with NEGATIVE results.
— Health Protection Agency (@HPA_MV) April 14, 2020
މިއާއެކު ރާއްޖެއިން ކޮވިޑް-19 ބަލި ޖެހުނު 05 ދިވެހިންގެ ތެރެއިން ރަނގަޅުވި ދިވެހިންގެ އަދަދު 03 އަށް އެރީއެވެ. އަދި މިހާރު ފަރުވާދެމުން ދަނީ ދެ ދިވެހިންނަށެވެ.
ރާއްޖެއިން މިހާތަނަށް 20 މީހުން ކޮވިޑް-19 އަށް ޕޮޒިޓިވްވެފައިވާއިރު، ޖުމްލަ 16 މީހުން ވަނީ މިހާރު އެ ބަލިން ރަނގަޅުވެފަ އެވެ.
އަދި މުޅި ދުނިޔެއިން ކޮވިޑް-19 އަށް 1,951,042 މީހުން ޕޮޒިޓިވްވެފައިވާއިރު، 122,731 މީހުން ވަނީ އެ ބަލީގައި މަރުވެފަ އެވެ. އަދި އެ ބަލިން ރަނގަޅުވެފައި ވަނީ މިހާތަނަށް 460,718 މީހުންނެވެ.
