80 އަށް ވުރެ ގިނަ ޕްލާސްޓިކް ކޮތަޅު ކެއުމުގެ ސަބަބުން ބޮޑުމަހެއް މަރުވެގެން ތައިލެންޑްގެ ދެކުނުގެ ރަށަކަށް ހުކުރު ދުވަހު ލައްގައިފިއެވެ.
މިމަސް ސަލާމަތް ކުރުމަށް މަސައްކަތް ކުރި ޓީމަށް އެކަން ކާމިޔާބު ނުވެފައިވަނީ ގިނަ އަދަދަކަށް ކޮތަޅު ކައިފައިވާތިކަމަށް ބުނެފައި ވެއެވެ. މަސް މަރުވުމުން އޭގެ ބަނޑުފަޅަައިގެން ބެލިއިރު 80 ޕްލާސްޓިކް ކޮތަޅު ފެނިފައި ވާކަމަށާއި،އޭގެ ބަރުދަނުގައި 8 ކިލޯ ހުރިކަމަށެވެ. މަސް ސަލާމަތް ކުރުމުގެ މަސައްކަތުގައި އުޅެނިކޮށް އޭތި ހޮޑުލިއިރު 5 ކޮތަޅު އައުމުން ގިނަ ކޮތަޅުތަކެއް ކައިފައިވާކަން އެނގުނު ކަމަށް ޓީމްގެ އިސް އޮފިޝަލަކު ބުނެފައި ވެއެވެ.
ކަސެޓްސަރޓް ޔުނިވާރސިޓީގެ މެރިން ބައިލޮޖިސްޓެއް ކަމަށްވާ ތޯން ބުނެފައިވަނީ ބޮޑުމަސް މަރުވެފައިވަނީ ގިނަ އަދަދެއްގެ ޕްލާސްޓިކް ކޮތަޅުތަކެއް ކެއުމުގެ ސަބަބުން ކާތަކެތި ހަޖަމު ނުވުމުގެ ސަބަބުން ކަމަށެވެ. އަދި އިންސާނަކުވެސް އެގޮތަށް ޕްލާސްޓިކް ކޮތަޅު ކައިފިނަމަ މަރުވަނެކަމަށެވެ.
ތައިލޭންޑަކީ ދުނިޔޭގައި އެންމެ ގިނަ އަދަދަކަށް ޕްލާސްޓިކް ކޮތަޅު ބޭނުންކުރާ ޤައުމެވެ. އަދި އަހަރަކު 300 އަށްވުރެ ގިނަ ކަނޑުގައި އުޅޭ މަސްތަކާއި ވެލާއާއި ކޯމަސްފަދަ ތަކެތި ޕަލާސްޓިކް ކޮތަޅުގެ ސަބަބުން މަރުވަމުންދާކަމަށް ރިކޯޑް ކުރެވިފައި ވެއެވެ.
