ޔުރޮޕާ ކަޕްގެ ދެވަނަ ބުރުގެ ފުރަތަމަ ލެގުގައި ރޭ ލޮކޮމޯޓިވް މޮސްކޯ އަތުން 3-0 އިން މޮޅުވެ އެތުލެޓިކޯ މެޑްރިޑުން ޔުރޮޕާ ލީގުގެ ކުއާޓާ ފައިނަލާ ގާތަށް ޖެހިލި އިރު ޖަރުމަންގެ ބޮރޯޝިޔާ ޑޯޓްމަންޑް އަމިއްލަ ދަނޑުގައި ބަލި ވެއްޖެއެވެ.
އަމިއްލަ ދަނޑުގައި ލޮކޮމޯޓިވް މޮސްކޯ އަތުން 3-0 ލަނޑުން އެތުލެޓިކޯ މޮޅުވި މެޗުގައި ޑިއޭގޯ ސިމެނިއޯގެ ޓީމުން ވަނީ މުޅި މެޗު ކޮންޓުރޯލްކޮށް މޮޅު ކުޅުމެއް ދައްކާފައެވެ.
ރޭގެ މެޗުން މޮޅުވެ ތިން ލަނޑުގެ ފައިދާ އެކު ދެވަނަ ލެގަށް ނިކުންނަށް އެތުލެޓިކޯގެ ލަނޑުތަށް ކާމިޔާބުކޮށްދީފައިވަނީ ސައުލް އާއި ޑިއެގޯ ކޮސްޓާ އަދި ކޯކޭ އެވެ.
މުބާރާތުގެ ފޭވަރިޓުގެ ގޮތުގައި ބެލެވޭ އެތުލެޓިކޯ އަށް ވަނީ މި މޮޅާ އެކު ކުއާޓާގެ ޖާގައެއް ވަރަށް ބޮޑަށް ޔަގީންވެފަ އެވެ.
ރޭ ކުޅުނު ފޯރިގަދަ އަނެއް މެޗުގައި ޖަރުމަނުގެ ބޮރޫޝިއާ ޑޯޓްމަންޑް ވަނީ އަމިއްލަ ދަނޑުގައި އޮސްޓްރިއާގެ ސެލްޒްބާގް އަތުން 2-1 އިން ބަލިވެފަ އެވެ.
ރޭގެ މިމެޗުގައި ސެލްޒްބާގް ގެ ދެލަނޑުވެސް ބެރިޝިޔާ ކާމިޔާބުކޮށްދިން އިރު އޭނާގެ ދެވަނަ ލަނޑަކީ ލިބުނު ޕެނެލްޓީ އަކުން ކާމިޔާބު ކުރި ލަނޑެކެވެ.ޑޯޓްމަންގެ ހަމަ އެކަނި ލަނޑު މެޗުގެ 62 ވަނަ މިނެޓްގައި ކާމިޔާބުކޮށްދިނީ ޝޫލޭއެވެ.
ރޭގައި ޔުރޮޕާ ލީގުގައި ކުޅުނު އެހެން މެޗު ތަކަށް ބަލާ އިރު އިޓަލީގެ ލާޒިއޯ ވަނީ އަމިއްލަ ދަނޑުގައި ޔޫކްރޭނުގެ ޑައިނަމޯ ކިއޭވާ 2-2 އިން އެއްވަރުވެފަ އެވެ.އަދި ރަށުން ބޭރުގައި ރަޝިއާގެ ސީއެސްކޭއޭ މޮސްކޯ އަތުން 1-0 އިން ފްރާންސުގެ އޮލިމްޕިކް ލިޔޯން މޮޅުވިއިރު ސްޕެއިނުގެ އެތުލެޓިކް ކްލަބް ވަނީ އަމިއްލަ ދަނޑުގައި ފްރާންސުގެ އޮލިމްޕިކް މާސޭ ވަނީ 3-1 ލަނޑުން ބަލިކޮށްފައެވެ.
