މި އެއްބަސްވުމުގެ ދަށުން ދެ މުއައްސަސާ ގުޅިގެން ތަފާތު ދިރާސާތައް ކުރުމަށް ވަނީ ހަމަޖެހިފައެވެ. އޭގެ ތެރޭގައި އެކި ކަހަލަ ރިސާޗް ޕްރޮގްރާމްތައް ހިންގުމާއި، މަސައްކަތުގެ މާހައުލުގައި ތިބެގެން ތަމްރީނު ލިބޭނެ ގޮތްތައް (އޮން-ދަ-ޖޮބް ޓްރެއިނިން) ހަމަޖެއްސުން ހިމެނެއެވެ. އަދި މީގެ އިތުރުން މުވައްޒަފުންނާއި ދަރިވަރުންގެ ހުނަރު ތަރައްގީކުރުމަށްޓަކައި ސެމިނާތަކާއި ވޯކްޝޮޕްތައް ބޭއްވުމަށް ވެސް މި އެއްބަސްވުމުގައި ވަނީ ކަނޑައަޅާފައެވެ.
މިފަދަ އެއްބަސްވުމެއް އެކުލަވާލުމުގެ މައިގަނޑު މަގުސަދަކީ އިލްމީ ހޯދުންތަކާއި ހެކިތަކުގެ މައްޗަށް ބިނާކޮށް މުއައްސަސާތަކުގެ މަސައްކަތްތައް އިތުރަށް ހަރުދަނާކުރުމެވެ. މިކަމުގެ ސަބަބުން ޒުވާނުންނަށް މަތީ ތައުލީމާއި ތަމްރީނުގެ ފުރުސަތުތައް ފަހިވެ، ގައުމަށް ދިމާވެފައިވާ ގޮންޖެހުންތަކަށް ދިރާސާގެ އަލީގައި ހައްލު ހޯދުމަށް މަގުފަހިވެގެންދާނެއެވެ.
