ގަވައިދާ ހިލާފަށް އުޅޭ ބިދޭސީން އަތުލައިގަތުމަށް ހިންގާ އޮޕަރޭޝަންގެ ތެރެއިން އިއްޔެ 14 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.
މިގްރޭޝަނުން ބުނީ، ހުޅުމާލެ ފޭސް 1 ގައި ހިމެނޭ ބާ ދަގަނޑުގެ ވިޔަފާރި ކުރާ ތަންތަނަށް އަމާޒުކޮށްގެން ޓާސްކް ފޯސްއިން އިއްޔެ ހާއްސަ އޮޕަރޭޝަނެއް ކުރިއަށް ގެންގޮސްފައިވާ ކަމަށެވެ. އެ އޮޕަރޭޝަނުގެ ދަށުން ޖުމްލަ 21 މީހަކު ޗެކުކޮށް، އޭގެ ތެރެއިން 14 މީހަކު އިމިގްރޭޝަންގެ ބެލުމުގެ ދަށަށް ގެންގޮސްފައި ކަމަށް އެ އިދާރާއިން ވަނީ ބުނެފައެވެ.
ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ކުރަމުން އަންނަ މަސައްކަތުގެ ތެރެއިން މި މަހުގެ މިހާތަނަށް 41 ބިދޭސީން ވަނީ އަތުލައިގެންފައެވެ.
