ހޯމް މިނިސްޓްރީގެ ޑެޕިއުޓީ މިނިސްޓަރުގެ މަގާމުގައި ހުންނެވި އަހުމަދު ސަލީމް (މާޒް ސަލީމް) އެމަގާމުން ވަކިކޮށްފިއެވެ.
މައުލޫމާތު ލިބޭ ގޮތުގައި މާޒް ސަލީމް އެ މަގާމުން ވަކިކޮށްފައިވަނީ އިއްޔެގައެވެ. އޭނާ މަގާމުން ވަކިކުރި ސަބަބެއް ނޭނގެއެވެ. އޭނާ މަގާމުން ވަކިކޮށްފައި މިވަނީ އޭނާ އިސްދައުރެއް އަދާކުރައްވައިގެން ފާހަގަކުރި “މިނިވަން 50” ހަރަކާތްތަކަށް ކޮރަޕްޝަންގެ ތުހުމަތުތަކެއް އެޅިފައި ވަނިކޮށެވެ.
މާޒް ސަލީމް މަގާމުން ވަކިކުރިއިރު ފަހަކަށް އައިސް އޭނާ ގެންދަވަނީ ރައީސް އަބްދުﷲ ޔާމީންގެ ރިޔާސީ ކެމްޕެއިން ޓީމުގައި، ރައީސްގެ އަނބިކަނބަލުން ފާތިމަތު އިބްރާހީމްގެ އަރިހުގައި މަސައްކަތް ކުރައްވަމުންނެވެ. ދާދިފަހުން އެޓީމްގައި ހިމެނިވަޑައިގެން އއ.އަތޮޅަށް ވެސް އޭނާ ވަޑައިގެންނެވިއެވެ.
މާޒް ސަލީމް އަކީ ރައީސް ޔާމީން ވެރިކަމަށް ވަޑައިގެންނެވުމަށް ފަހު ފުރަތަމަ ސިޔާސީ މަގާމުތަކަށް އައްޔަން ކުރެއްވި ބޭފުޅުންގެ ތެރޭގައި ހިމެނުނު ބޭފުޅެކެވެ.
