ބޯޓަކުން އަތުލައިގަތް ހަތް ކިލޯގެ މަސްތުވާތަކެއްޗާ އެކު ހައްޔަރު ކުރި 10 މީހުންގެ ވަނަވަރު ފުލުހުން އާންމުކޮށްފިއެވެ.

މިމަހުގެ 21 ވަނަ ދުވަހު ދަންވަރު ހިންގި ޖޮއިންޓް އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށް މަސްތުވާތަކެތި ކަމަށް ތުހުމަތުކުރެވޭ 7 ކިލޯއަށްވުރެ ގިނަ ތަކެއްޗާއެކު ބަޔަކުވަނީ ހައްޔަރުކޮށްފައެވެ.

AD

މައްސަލައާ ގުޅިގެން ހައްޔަރުކޮށްފައިވަނީ އިންޑޮނޭޝިއާގެ ރައްޔިތުން ކަމަށްވާ

• ނަސްވަން އާދިލް (30އ) އިންޑޮނޭޝިއާ
• އެޑްރިއަންސަޔާ (25އ) އިންޑޮނޭޝިއާ
• މުޙައްމަދު އިޤްބާލް މަކްރޫމް (30އ) އިންޑޮނޭޝިއާ
• ޕްރަބާކަރަން ނަގަރާޖަން (35އ) އިންޑިއާ
• ރޯމަންސް ސަންތިޔާ ފެނާންޑޯ (58އ) އިންޑިއާ
• ގަނޭޝް ބޮމްމާލީ (22އ) އިންޑިއާ
• ޑަތުކިލޭ ދަރްޝަން ވިޖޭ (22އ) އިންޑިއާ
• ޕީޓާ ވިނީ (28އ) އިންޑިއާ
• ސަރަން ޕަދްމަން (28އ) އިންޑިއާ
• ގޯސިކް ރާޖް ޖޭމްސް ނޮކްސް (30އ) އިންޑިއާ

އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން މައްސަލައިގައި ހިމެނޭ 5 މީހަކު 5 ދުވަހަށް ބަންދުކުރުމަށް ވަނީ އަމުރުކޮށްފައެވެ. އަދި ބާކީ ތިބި މީހުން އެއް ދުވަހަށް ބަންދުކުރުމަށް އަމުރުކޮށްފައިވާއިރު، އެމީހުންގެ ބަންދުގެ މުއްދަތު އިތުރުކުރުމަށް މިއަދު ކޯޓަށް ހާޒިރުކުރުމުން ވަނީ ދެ މީހަކު އިތުރު 3 ދުވަހަށް އަދި ތިން މީހަކު 15 ދުވަހަށް ބަންދުކުރުމަށް އަމުރުކޮށްފައެވެ.