ދިވެހިންނަށް ވިސާއާ ނުލައި ތަޖިކިސްތާނަށް ދެވޭ ގޮތް ހަމަޖައްސައިފިއެވެ.
ނިއުޔޯކްގައި ސޮއިކުރި މިއެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، ރާއްޖެއިން އދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ޑރ. އަލީ ނަސީރު މުޙަައްމަދުއެވެ. އަދި ތަޖިކިސްތާން ސަރުކާރުން އ.ދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ހިކްމަތު ޖޮނިބެކް އިސްމޮއިލް އެވެ.
ރާއްޖެއާއި ތަޖިކިސްތާނާ ދެމެދު ވިސާ އެގްޒެމްޝަން އެއްބަސްވުމެއްގައި މިއަދު ނިއުޔޯކްގައި ބޭއްވި ރަސްމިއްޔާތެއްގައި ސޮއިކޮށްފައިވާ އިރު މި އެއްބަސްވުމުގެ ދަށުން ކުރިން ވިސާ ނެގުމަކާ ނުލައި ދިވެހީންނަށް ތަޖިކިސްތާނަށް އެތެރެވާ ދުވަހުން ފެށިގެން 30 ދުވަހުގެ މުއްދަތަށް އެ ގައުމުގައި ތިބެވޭނެ ކަމަށް ފޮރިން މިނިސްޓްރީން ވިދާޅުވެއެވެ.
ފަހަކަށް އައިސް ރާއްޖޭގެ ރައްޔިތުންނަށް ގިނަ ގައުމުތަކަށް ވިސާ ނެތި ދެވޭ ގޮތް ވަނީ ހަދައިފައެވެ.
