ހައިވޭގައި ވަގު ބޯޑެއް އަޅުވައިގެން ދުއްވި އުޅަނދެއްގެ މައްސަލަ ބަލަމުން އަންނަ ކަމަށް ފުލުހުން ބުނެފިއެވެ.
ފުލުހުން ބުނީ މި މައްސަަލަ ރިޕޯޓް ކޮށްފައި ވަނީ މިއަދު އިރުއޮއްސި 6:18 ހާއިރު ކަމަށެވެ. ފުލުހުން ބުނީ ހައިވޭގެ ދެކުނުން އުތުރަށް ދުއްވި ޕިކަޕަކީ ރަޖިސްޓްރީ ވެސް ނުކުރާ އުޅަނދެއް ކަމަށާއި އެ އުޅަނދުގައި ހަރުކޮށްފައިވާ ބޯޑަކީ ވަގު ބޯޑެއް ކަމަށެވެ.
އިތުރަށް ފުލުހުން ބުނީ އެ އުޅަނދު ދުއްވަން އިން ޑްރައިވަރަކީ ލައިސަންސް ވެސް ނެތް މީހެއް ކަމަށެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
