ޖަރުމަނުގައި މިހާރު ކުރިއަށްދާ ޔޫރޯ ފުޓްބޯޅް މުބާރާތުގައި ޑެންމާކް އަދި އިންގްލެންޑް މިރޭ ބައްދަލުކުރާ މެޗަކީ އެތައްގޮތަކުން ފޯރިގަދަވާނެމެޗަކަށް ވާނެއެވެ.
ތަޖުރިބާކާރުން ބުނާގޮތިގައި ޑެންމާކް އަދި އިންގްލެންޑް މިރޭ ބައްދަލުކުރާ މި މެޗަކީ ބަދަލުހިފުމެކެވެ.
އެންމެ ފަހުން ކުޅެވުނު ޔޫރޯ 2020 ފުޓްބޯޅަ މުބާރާތުގައި ޑެންމާކް އަދި އިންގްލެންޑް ވަނީ އެ މުބަރާތުގެ ސެމީ ފައިނަލުގައި ބައްދަލުކޮށްފައެވެ. އެ މެޗު 1-2 އިން އިންގްލެންޑް އަތުން ޑެންމާކް ބަލިވިއެވެ. ނަމަވެސް އެ މެޗުން އެޓީމު ބަލިވާން ޖެހުނީ ރެފްރީން ނިންމި ގޯސް ނިންމުންތަކެއްގެ ސަބަބުން ކަމަށް ޑެންމާކް ޓީމާއި އެޓީމުގެ ސަޕޯޓަރުން ބުނެއެވެ.
އެހެންކަމުން މި ހިތްދަތި ހަނދާންތަކާއި އެކު ޑެންމާކް ޓީމު އިންގްލެންޑާއި ދެކޮޅަށް މިރޭ ނުކުންނާނީ ވަރުގަދައަށް ބަދަލުހިފުމުގެ ރޫހެއްގައިކަން ޔަގީނެވެ.
އަނެއްކޮޅުން މިރޭގެ މެޗު ޑެންމާކަށް ޚާއްސަވާ އަނެއް ސަބަބަކީ މި މުބާރާތުގެ ގަދަ 16 އަށް ދިއުމަށް މިރޭގެ މެޗުން ކޮންމެހެންވެސް އިންގްލެންޑް ބަލިކުރަން މަޖުބޫރުވުމެވެ. މި ސަބަބުތަކާއި ހުރެ މިރޭގެ މި މެޗަކީ ވަރަށް ފޯރިގަ މެޗަކަށް ވެގެންދާނެއެވެ.
މިރޭގެ މެޗާއި ގުޅޭގޮތުން ވާހަކަދައްކަމުން ޑެންމާކްގެ ކޯޗު ކޭސްޕާ ހިޖުލްމަންޑް ބުނީ މިރޭ އޭނާގެ ޓީމު ނުކުންނަނީ ދުނިޔޭގެ ފުޓްބޯޅައިގެ އެންމެ ބޮޑު އެއް ބާރާއި ދެކޮޅަށް ކަމަށާއި އިނގިރޭސި ޓީމުގައި މުޅިންވެސް ތިބީ ސްޓާރުންކަމަށެވެ. ނަމަވެސް މިރޭގެ މެޗަށް ނުކުންނާނީ ފައިނަލެއްކަމަށް ދެކިގެން މެޗު ކާމިޔާބުކުރުމަށް ކަމަށް އޭނާ ވަނީ ބުނެފައެވެ.
ޑެންމާކް އަދި އިންގްލެންޑް ބައްދަލުކުރާ މި ފޯރިގަދަ މެޗު ފަށާނީ މިރޭ ރާއްޖޭ ގަޑިން 9:00 ގައެވެ.
