މި ދެމައިންގެ ވާހަކަތައް، ފަހަތުގައި ހުރި ގޮނޑީގައި އިންދެގެން އެހެންމީހަކު އަޑުއަހައިފާނެކަމަށް މި ދެމައިން ހަމަ އެއްގޮތަކަށް ވެސް ހިއެއްނުކުރެއެވެ. ވަކި ހިސާބަކަށް ބަސް ހުއްޓުމުން، ތެއްތު ދަރިފުޅުގެ މަންމައަތަށް މީހަކު ކުޑަވަރެއްގެ ކަރުދާސްކޮޅެއް ފަށްޖަހާލައިފައި ދިއްކޮލުމުން ބޭއިޚްތިޔާރުގައި މަންމަ އަށް އެ ކަރުދާސްކޮޅުގައި ހިފުނެވެ. ތުއްތު އެލާ މިޗެލްގެ މަންމަ ފަހުން ކިޔައިދިން ގޮތުގައި އޭނާ އެ ކަރުދާސްކޮޅުގައި ހިފި ވަގުތު ހިތަށްއެރީ އެއީ އަނެއްކާ ކޮން އެއްޗެއް ލިޔެފައިވާ ކަރުދާސްކޮޅެއްބާއެވެ! މި ކަހަލަ ޚިޔާލެއްގައި ހުރުމުން، އެ ކަރުދާސްކޮޅު ލިޔުނުމީހާގެ މޫނަށް ބަލައިލާކަށް ވެސް ހަނދާނެއް ނުވިއެވެ! ނޯޓުކަރުދާސްކޮޅު ނިޔުޅައިލައި ބަލައިލިއިރު އާދައިގެ ހުދު ކަރުދާސްކޮޅެއްގައި ފަންސުރަކުން ލިޔެފައިވަނީ މިހެންނެވެ.