އައްޑޫސިޓީގައި ކޮވިޑް ޖެހިގެން ފަރުވާ ދެމުން އައި މީހަކު ނިޔާވެއްޖެ އެވެ.
މިމީހާ އަކީ އައްޑޫކޮވިޑް ފެސިލިޓީގައި ފަރުވާ ދެމުން އައި ފުވައްމުލަކު މީހެކެވެ. ޢުމުރުން 97 އަހަރުގެ މިމީހާގެ ކަށު ނަމާދު ކުރުން ހަމަޖެހިފައިވަނީ މިއަދު ހަވީރު 4 ޖަހާއިރެވެ.މިމީހާއާއެކު އައްޑޫސިޓީން މިހާތަނަށް ކޮވިޑް ޖެހިގެން ނިޔާވި މީހުންގެ އަދަދު މިވަނީ 4 އަށް އަރާފައެވެ.
އައްޑޫސިޓީގައި ކޮވިޑް ބަލީގައި މިވަގުތު އެޑްމިޓް ކޮށްގެން ފަރުވާ ދެމުންދާ ބަލިމީހުންގެ ޢަދަދަކީ 5 އެވެ. އޭއީއެޗުން މަޢުލޫމާތު ދެއްވި ގޮތުގައި މި 5 މީހުންގެ ޙާލުވެސް މިވަގުތު ސްޓޭބްލް އެވެ.
މިވަގުތު އައްޑޫސިޓީގައި ކޮވިޑް ޖެހިފައިވާ 241 މީހަކު އެބަތިއްބެވެ. އިއްޔެ އެކަނި ވެސް 14 މީހަކު މިބައްޔަށް އައްޑޫސިޓީން ޕޮޒިޓިވް ވެފައިވެއެވެ.
