އައްޑޫސިޓީގައި އަންހެނަކަށް ވަޅިން ހަމަލާދީ ޒަހަމްކޮށްލައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ އައްޑޫގައި މިރޭ ހިނގި މާރާމާރީގައި ސައިކަލުގައި ދިޔަ ދެ މީހަކަށް ހަމަލާދީ، ޒަހަމްކޮށްލައިފައިވާކަމުގެ ރިޕޯޓު ލިބިފައިވަނީ މިރޭ 08:05 ހާއިރުކަމަށެވެ.
މައުލޫމާތު ލިބިފައިވާ ގޮތުން ހަމަލާ ދީފައިވަނީ އުމުރުން 27 އަހަރުގެ ފިރިހެނަކާއި 23 އަހަރުގެ އަންހެނަކަށެވެ.
މި ދެ މީހުންނަށް ވެސް އައްޑޫ އީކުއިޓޯރިއަލް ހޮސްޕިޓަލުގައި ފަރުވާދެމުން އަންނައިރު ފުލުހުން އަންނަނީ މި މައްސަލަ ތަހުގީގުކުރަމުންނެވެ.
އައްޑޫގައި މިއަދު މެންދުރުވެސް މީހަކަށް ހަމަލާދީ މާރާމާރީއެއް ހިނގާފައިވާއިރު، މި މާރާމާރީގައި އަނިޔާވި މީހާ އިތުރު ފަރުވާއަށް މާލެ ފޮނުވުމުގެ މަސައްކަތް އަންނަނީ ކުރަމުންނެވެެވެ..
