އައްޑޫ ސިޓީގެ އިންތިޚާބީ ކައުންސިލަރުންގެ އޮރިއެންޓޭޝަން ޕްރޮގްރާމް ފަށައިފިއެވެ.
އައްޑޫ ސިޓީ ކައުންސިލުން ކުރި ޓްވީޓެއްގައި ބުނެފައިވާ ގޮތުން މި އޮރިއެންޓޭޝަން ޕްެރޮގްރާމަކީ، އައްޑޫ ސިޓީ ކައުންސިލަށް އަލަށް އިންތިޚާބުވެވަޑައިގެންނެވި ކައުންސިލަރުން، ކައުންސިލްގެ މަސައްކަތްތަކަށް އަހުލުވެރިކުރުމުގެ ގޮތުން ކުރިއަށްގެންދާ ޕްރޮގްރާމެކެވެ. އެގޮތުން މި ޕްރޮގްރާމް ކުރިއަށްގެންދިއުމަށް ހަމަޖެހިފައި ވަނީ މި ހަފުތާގެ ހޯމަ އަދި އަންގާރަ ދުވަހުއެވެ.
އައްޑޫ ސިޓީގެ އިންތިޚާބީ ކައުންސިލަރުން، އައްޑޫ ސިޓީ ކައުންސިލްގެ މަސައްކަތްތަކަށް އަހުލުވެރިކުރުމުގެ ގޮތުން ބާއްވާ އޮރިއެންޓޭޝަން ޕްރޮގްރާމްގެ ފުރަތަމަ ސެޝަން ފެށިގެން ކުރިއަށްދަނީ. މި ޕްރޮގްރާމަކީ ދެ ދުވަހުގެ މުއްދަތަށް ކުރިއަށްގެންދާ ޕްރޮގްރާމެއް. pic.twitter.com/kj1jzDHeyL
— Addu City Council (@AdduCityCouncil) May 10, 2021
އައްޑޫގެ އިންތިޚާބީ ކައުންސިލަރުންނަށް މަޢުލޫމާތުދިނުމުގެ މި ޚާއްޞަ ޕްރޮގްރާމް ފަށާފައިވާއިރު، އައްޑޫ ސިޓީ ކައުންސިލްގެ ހަތަރުވަނަ ދައުރުގެ ކައުންސިލަރުން ހުވާކުރެއްވުމަށް ހަމަޖެހިފައި ވަނީ 17 މެއި 2021 ވާ ހޯމަ ދުވަހުއެވެ.