ގޫގަލް “ލޫން ޕްރޮޖެކްޓް” ގެ ބެލޫންއެއް ގދ.ވާދޫގެ ހުޅަނގުން އައްޑޫކަނޑަށް ވެއްޓިއްޖެ އެވެ.
އެމްއެންޑީއެފުން ވިދާޅުވީ މިބެލޫން އައްޑޫކަނޑަށް ވެއްޓުމާ ގުޅިގެން އެމްއެންޑީއެފް ސަދަން އޭރިޔާގެ ސިފައިން އެސަރަޙައްދުގައި ޙަރަކާތްތެރިވަމުންދާ ކަމަށެވެ. މިބެލޫން ވެއްޓެމުންދާ ކަމުގެ މަޢުލޫމާތު އިއްޔެ ހެނދުނު 08:30 ހާއިރު ލިބުމާއި ގުޅިގެން އެމްއެންޑީއެފް މާލޭ އޭރިޔާ އޮޕަރޭޝަން ސެންޓަރާއި ސިވިލް އޭވިއޭޝަން އޮތޯރިޓީ އަދި އެއަރ ޓްރެފިކް ކޮންޓްރޯލުން އެކަން ދަނީ މޮނީޓަރ ކުރައްވަމުންކަމަށް އެމްއެންޑީއެފް އިން ވިދާޅުވެއެވެ.
"Loon Project" ge balooneh miadhu GDh. Vaadhoo ge hulhan'gun, kan'dah vettumaa gulhigen MNDF Southern Area ge sifain harakaaiytherivaan fashaifi. Mi baloon vettemundhaa kamuge mauloomaathu iyye hendhunu 08:30 haairu libumaa gulhigen, MNDF MA Operations in dhiyaee monitor kuramun. pic.twitter.com/r5b30h0aZP
— Maldives National Defence Force (@MNDF_Official) November 10, 2020
މިބެލޫން ރާއްޖޭގެ ލޯކަލް އޭޖެންޓާއި ޙަވާލު ކުރުމަށް އެމްއެންޑީއެފް ސަދަން އޭރިޔާ ކޯސްޓްގާޑް ސްކޮޑްރަން އިން ދަނީ ޙަރަކާތްތެރިވަމުންނެވެ.
މިދިޔަ އޮކްޓޯބަރު މަހުގެ 29 ވަނަ ދުވަހުވެސް ލޫން ޕްރޮޖެކްޓްގެ ބެލޫންއެއް ރާއްޖެއަށް ވެއްޓުނެވެ. މި ބެލޫން ވެއްޓިފައިވަނީ ގދ. އަތޮޅު އެތެރެވަރިން ނަޑެއްލާ އާއި މަޑަވެއްޔާ ދޭތެރެއަށެވެ.
“ލޫން ޕްރޮޖެކްޓް” އަކީ ދުނިޔޭގެ ރޫރަލް އަދި ރިމޯޓް ސަރަހައްދުތަކަށް އިންޓަރނެޓް ފޯރުކޮށްދިނުމަށް ގޫގުލްއިން ކުރިއަށްގެންދާ ޕްރޮޖެކްޓް އެކެވެ.
