ކޮވިޑް-19 ގެ ބަލިމަޑުކަމުގެ ހާލަތާ ގުޅިގެން ސަރުކާރުން ކޮށްފައިވާ ހަރަދުތައް އޮޑިޓްކޮށް އާންމު ކުރަން އެމްޑީޕީގެ ސުޕަ މެޖޯރިޓީ އޮތް ރައްޔިތުންގެ މަޖިލީހުން ފާސްކުރީ ކޮރަޕްޝަނާއި ހިޔާނާތާއި ވައްކަމާ ދެކޮޅު ވުމުން ކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ ހެލްތު މިނިސްޓްރީއާއި ޓޫރިޒަމް މިނިސްޓްރީއާއި އާސަންދައާއި އެންސްޕާގެ އިތުރުން އިއްޔެ އާންމު ކުރި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީގެ އޮޑިޓް ރިޕޯޓްތަކުން ކޮރަޕްޝަންގެ އަމަލުތައް ހިމެނޭ އެތައް ކަމެއް ފެންމަތިވެ ގިނަ ބައެއްގެ ފާޑުކިޔުންތައް ސަރުކާރަށް އަމާޒުވަމުންދާ ދަނޑިވަޅެއްގައެވެ.
މި ފާޑުކިޔުންތަކަށް ޖަވާބުދެއްވަމުން ރޮޒައިނާ ކުރެއްވި ޓްވީޓެއްގައި ވިދާޅުވީ އެމްޑީޕީއިން ހުށަހަޅައިގެން, އެމްޑީޕީގެ 65 މެމްބަރުން ތިބި މަޖިލީހަކުން ކޮވިޑްގެ ހަރަދުތައް އޮޑިޓްކުރަން ފާސްކުރީ ވައްކަން ކުރާ މީހުން ހޯދަންކަމަށާއި މިއީ ޕީޕީއެމް އަދި ޕީއެންސީ އިން ބުނެގެން ކުރި އޮޑިޓެއް ނޫންކަމަށެވެ. ” އެމްޑީޕީއިން ވައްކަންކުރަން ބޭނުންނަމަ އެ ގޮތަށް ފާހެއް ނުކުރާނެ. ރައީސް އިބްރާހީމް މުހައްމަދު ސޯލިހް ވައްކަމާއި ދެކޮޅު.” ރޮޒައިނާ ވިދާޅުވިއެވެ.
MDP in husha alhaigen, MDP ge 65 membarun thibi majleehakun, covid haradhuthah audit kuran faas kuree vakkan kuraa meehun hoadhan. Mee PPM/PNC in bunegen kuri auditeh noon. MDP vakkan kuran beynun nama egothah faaheh nukurees. RJ @ibusolih vakkama dhekolhu. AG miadhu minivan!
— ?? ??????? ???? ? (@Roxeyna) September 16, 2020