ފުވައްމުލައްސިޓީގައި އުމުރުން 5 އަހަރުގެ އަންހެން ކުޑަކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ އުމުރުން 36 އަހަރުގެ ދިވެހި ފިރިހެނެކެވެ. މި މީހާ ކޯޓު އަމުރެއްގެ ދަށުން ހައްޔަރުކޮށްފައިވަނީ ސެޕްޓެމްބަރު މަހުގެ 13 ވަނަ ދުވަހުގެ ރޭ ފުވައްމުލަކުންނެވެ. މި މައްސަލަ ފުލުހުންގެ މީޑިއާއިން ވަނީ އޭއޯ ނިއުސްއަށް ކަށަވަރުކޮށްދީފައެވެ.
ފުލުހުން ހާމަކުރި ގޮތުގައި މި މައްސަލަ ފުލުހުންނަށް ހުށައަޅައިފައިވަނީ ފުވައްމުލައް ހޮސްޕިޓަލުގެ ފަރާތުންނެވެ.
މި މައްސަލަ ފުލުހުން އަންނަނީ މިހާރު ތަހުގީގު ކުރަމުންނެވެ.
