އައްޑޫ ބެޑްމިންޓަން ކުލަބް(އޭބީސީ) އާއި ސ.ހިތަދޫ ޒުވާނުންގެ މަރަކަޒު ގުޅިގެން ބާއްވާ ދެވަނަ “ދިރާގް ޓީޗަސް ބެޑްމިންޓަން ޓޯނަމަންޓް”ގެ ފެށުން ހައި ސްކޫލް،ޝަރަފުއްދީން ސްކޫލް އަދި މަރަދޫ ސްކޫލް ރަނގަޅުކޮށްފިއެވެ.
ހިތަދޫ ޒުވާނުންގެ މަރުކަޒުގެ ބެޑްމިންޓަން ކޯޓްގައި ރޭ ކުޅުނު މިމުބާރާތުގެ 4 މެޗުގެ ތެރެއިން ދެމެޗު ހައި ސްކޫލް ކާމިޔާބުކޮށްފައިވާއިރު ދެން ކުޅެވުނު ދެމެޗުގެ ތެރެއިން 1 މެޗު މަރަދޫ ސްކޫލް ކާމިޔާބުކޮށްފައިވާއިރު އަނެއް މެޗު ކާމިޔާބުކޮށްފައިވަނީ ޝަރަފުއްދީން ސްކޫލުންނެވެ.
އޭބީސީ ޓީޗަރސް މުބާރާތް ހުޅުވުމުގެ ގޮތުން ރޭ ކުޅުނު ފުރަތަމަ މެޗުގައި މަރަދޫ ސްކޫލްގެ ފިރިހެން ޓީމް ޝަރަފުއްދީންގެ މައްޗަށް 3-2 ސެޓުން ކުރި ހޯދާފައި ވާއިރު ފިރިހެން ބައިގައި ކުޅެވުނު ދެވަނަ މެޗު އައްޑޫ ހައި ސްކޫލްގެ ވަނީ 3-2 ސެޓުން މެޗު ކާމިޔާބުކޮށް ފޭދޫ ސްކޫލް ބަލިކޮށްފައެވެ.
އޭބީސީ ޓީޗަރސް މުބާރާތުގައި ރޭ ކުޅެވުނު އަންހެންބައިގެ ގްރޫޕް އޭގެ މެޗުން މަރަދޫ ސްކޫލްގެ މައްޗަށް ޝަރަފުއްދީން 3-2 ސެޓުން ކުރި ހޯދާފައިވާއިރު އަންހެން ބައިގެ ގްރޫޕް ބީ ގެ މެޗު އައްޑޫ ހައި ސްކޫލް ވަނީ ފަސޭހަ ކަމާއި އެކު ފޭދޫ ސްކޫލްގެ މައްޗަށް ކުރި ހޯދާފައެވެ.
މިއަހަރު އޭބީސީ ޓީޗަރސް ޓޯނަމެންޓްގައި 6 ސްކޫލްއަކުން އަންހެން ފިރިހެން ހިމެނޭ ގޮތަށް 11 ޓީމް ބައިވެރިވެފައިވާއިރު މީގެ ތެރޭގައި ހިމެނެނީ އަންހެން 6 ޓީމް އާއި ފިރިހެން 5 ޓީމެވެ.
އެބީސީ ދެވަނަ ބެޑްމިންޓަން މުބާރާތުގެ މިއަހަރުގެ މެއިން ސްޕޮންސަރަކީ ދިރާގު އަދި މީޑިޔާ ޕާޓްނަރަކީ އޭއޯ ނިއުސްއެވެ.
