މާލޭގެ ފިހާރައެއްގައި އަލިފާން ރޯވެގެން އެމްއެންޑީއެފުން ޙަރަކާތްތެރިވެއްޖެ އެވެ.
އެމްއެންޑީއެފުން ބުނީ އޮލިމްޕަސް ކުރިމަތީ ހުންނަ “އެކްސީޑް” ފިހާރައިގެ ދެވަނަ ފަންގިފިލާގައި އަލިފާން ރޯވެގެން އުޅޭކަމުގެ މަޢުލޫމާތު ލިބިފައި ވަނީ މިއަދު 13:00 ހާއިރު ކަމަށެވެ.
އަދި އެމްއެންޑީއެފް ފަޔަރ އެންޑް ރެސްކިއު ސަރވިސްގެ މަސައްކަތުން މިއަދު 13:20 ހާއިރު އެ އަލިފާންގަނޑު ނިއްވާލާފައިވާ ކަމަށްވެސް އެމްއެންޑީއެފުން ބުނެއެވެ.
Male’ City, Olympus Kurumatheegai hunna “Exceed” fihaaraige dhevan fangifilaagai roavi alifaan 13:20 haairu MNDF Fire and Rescue Service in nivvaalaifi. Mi Haadhisaage report FRS ah libifaivanee 13:00 haairu.
— Maldives National Defence Force (@MNDF_Official) June 6, 2020
މީގެ އިތުރުން އެމްއެންޑީއެފުން ބުނީ މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށެވެ. މި ހާދިސާ އާއި ގުޅޭ އިތުރު އެއްވެސް ތަފްސީލެއް އަދި އެމްއެންޑީއެފުން ހާމައެއް ނުކުރެއެވެ.
