ރާއްޖެއިން އަނެއްކާވެސް އިތުރު 19 މީހަކު ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރާ ގޮތުގައި މިއަދު 14:45 އާއި ހަމައަށް އިތުރު 04 ދިވެހިންނާއި، 13 ބަންގްލަދޭޝް މީހުން އަދި އިންޑިއާގެ މީހަކާއި ނޭޕާލްގެ މީހަކު ހިމެނެއެވެ.
✳️ COVID-19 Case Updates
As of 02:45pm:
Confirmed an additional 19 cases of COVID-19 infection in Maldives.
– 04 Maldivians
– 13 Bangladeshis
– 01 Indian
– 01 NepaliTotal number of cases: 1,457
— Health Protection Agency (@HPA_MV) May 27, 2020
މިއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 1457 އަށް އަރައިފައިވެ އެވެ. އޭގެ ތެރޭގައި ގިނައީ ބިދޭސީން ކަމަށްވާއިރު، އެންމެ ގިނައިން ޕޮޒިޓިވްވެފައި ވަނީ ބަންގްލަދޭޝްގެ ރައްޔިތުންނެވެ.
ކޮވިޑް-19 އާއި ގުޅިގެން ރާއްޖޭގެ އެކި ކަންކޮޅުތަކުގައި ޤާއިމްކޮށްފައިވާ ކަރަންޓީނު ފެސިލިޓީތަކުގައި ކަރަންޓީނުގައި ޖުމްލަ 1817 މީހަކު އެބަތިއްބެވެ. އަދި އައިސޮލޭޝަން ފެސިލިޓީތަކުގައި ތިބީ މިވަގުތު 1108 މީހުންނެވެ.
ރާއްޖެއިން ކޮވިޑް-19 ޖެހުނު މީހުންގެ ތެރެއިން މިހާތަނަށް 232 މީހަކު ބަލިން ރަނގަޅުވެފައިވާއިރު، އެ ބަލީގައި 05 މީހަކު ވަނީ މަރުވެފައެވެ.
