ރާއްޖެއިން އިތުރު 11 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރާ ގޮތުގައި މިއަދު ޕޮޒިޓިވްވެފައި ވަނީ ބަންގްލަދޭޝްގެ 9 މީހުންނާއި، ދިވެއްސެއްގެ އިތުރުން އިންޑިއާގެ މީހެކެވެ. އެމީހުން އައިސޮލޭޝަން ފެސިލިޓީ އަކަށް ބަދަލުކުރުމުގެ މަސައްކަތް ކުރަމުންދާ ކަމަށްވެސް އެޗްޕީއޭ އިން ބުނެއެވެ.
މިއަދު މިހާތަނަށް ރާއްޖެއިން 47 މީހުން ކޮވިޑް-19 އަށް ޕޮޒިޓިވްވެފައިވާއިރު، އިއްޔެވެސް 13 މީހަކު ވަނީ ރާއްޖެއިން ޕޮޒިޓިވްވެފަ އެވެ. އެއީ ނުވަ ދިވެހިންނާއި ހަތަރު ބިދޭސީންނެވެ.
✳️ #COVID19 Latest Update:
An additional 11 cases (MAV0178 to MAV0188) of 9 Bangladeshis, 1 Indian, 1 Maldivian have been confirmed.
The individuals will be moved to an Isolation Facility. #StayHome #StaySafe
— Health Protection Agency (@HPA_MV) April 26, 2020
މިއަދަކީ ރާއްޖެއިން އެންމެ ގިނަ ބަޔަކު ކޮވިޑް-19 އަށް ޕޮޒިޓިވްވި ދުވަސް ކަމަށްވާއިރު، މިއާއެކު މުޅި ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 188 އަށް އަރައިފަ އެވެ. ހުކުރު ދުވަހުވެސް ރާއްޖެއިން 18 މީހުން ކޮވިޑް-19 އަށް ވަނީ ޕޮޒިޓިވްވެފަ އެވެ. އެއީ 14 ދިވެހިންނާއި، ބަންގްލަދޭޝްގެ ދެ މީހުންނާއި އިންޑިއާ މީހަކާއި ސްރީ ލަންކާގެ މީހެކެވެ.
މީގެ ކުރިން ރާއްޖެއިން އެންމެ ގިނަ މީހުން ޕޮޒިޓިވްވެފައި ވަނީ މިދިޔަ ބުރާސްފަތި ދުވަހު އެވެ. އެގޮތުން އެދުވަހު އެކަނިވެސް 23 މީހަކު ވަނީ ކޮވިޑް-19 އަށް ޕޮޒިޓިވްވެފަ އެވެ. އޭގެ ތެރޭގައި ހިމެނެނީ 19 ބަންގްލަދޭޝް މީހުންނާއި 4 ދިވެހިންނެވެ.
ކޮވިޑް-19 އަށް މި މަހުގެ 15 ގައި ފުރަތަމަ ފަހަރަށް މާލެ އިން މީހަކު ޕޮޒިޓިވްވުމާ ގުޅިގެން، އެ ދުވަހުން ފެށިގެން މާލެ އާއި ހުޅުމާލެ އަދި ވިލިމާލެ ވަނީ ފުރަބަންދުކޮށްފަ އެވެ.
