ނުރައްކާތެރި ކޮވިޑް-19 އަށް ޝައްކު ކުރެވޭތީ އޮބްލޫ-ސަނެގެލި ރިސޯޓުން 2 މީހަކު ވައިރަހަށް ޓެސްޓުކުރުމުގެ މަސައްކަތް ފަށާފައިވާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.
އެޗްޕީއޭ އިން ބުނީ އެ ރިސޯޓުގައި ވައިރަހަށް ޝައްކު ކުރެވިފައި ވަނީ 2 ބިދޭސީ އެއް ކަމަށާއި އެމީހުންގެ ސާމްޕަލް ނެގުމުގެ މަސައްކަތް ކުރެވެމުންދާ ކަމަށެވެ. އަދި އެމީހުންގެ ނަތީޖާ ލިބެންދެން އެ ރިސޯޓު މޮނިޓަރިންގްއަށް ލެވިފައިވާ ކަމަށް އެ އޭޖެންސީ އިން ބުނެއެވެ.
ރައްކާތެރިކަމުގެ ފިޔަވަޅެއްގެ ގޮތުން އޮބްލޫ-ސަނެގެލި ރިސޯޓުން 2ބިދޭސީއަކު #ކޮވިޑް 19 އަށް ޝައްކުރެވޭ އަލާމާތްތަކެއް ފެންނާތީ އެފަރާތްތަކުގެ ސާމްޕަލް ނެގުމުގެ މަސައްކަތް ދަނީ ކުރެވެމުން.
ޓެސްޓްގެ ނަތީޖާ ލިބެންދެން އެރިސޯޓުގައި ވަނީ މޮނިޓަރިންގްއަށް ލެވިފައި.
— HPA Maldives (@HPA_MV) March 12, 2020
ނުރައްކާތެރި ކޮވިޑް-19 ވައިރަސް ރާއްޖެއިން ފެނިފައިވާއިރު ސަރުކާރުން ވަނީ މިއަދުން ދެށިގެން 30 ދުވަހުގެ މުއްދަތަށް ސިއްހީ ކުއްލި ނުރައްކަލުގެ ހާލަތު އިއުލާންކޮށްފައެވެ.
ރާއްޖެއިން މިހާތަނަށް 8 މީހަކަށް ކޮވިޑް-19 ވައިރަސް ޖެހިފައިވާއިރު ސަރުކާރުން ވަނީ މުޅި ރާއްޖެއަށް ރީނދޫ އެލާޓް ނެރެފައެވެ. އަދި ވައިރަސް ފެނުނު ރަށްރަށަށް އޮރެންޖު އެލާޓް ވަނީ ނެރެފައެވެ.