ކޮވިޑް-19 އާއި ގުޅިގެން ޤައުމީ ޔުނިވާސިޓީ (އެމްއެންޔޫ) ގެ ބްލޮކްތައް ކެންސަލް ކޮށްފި އެވެ.
މިއަދު އެމްއެންޔޫގެ ފެކަލްޓީ އޮފް ލޯ އެންޑް އިސްލާމިކް ސްޓަޑީސްއިން ބުނީ އެ ފެކަލްޓީގައި ބްލޮކް މޯޑް ގެ ކިޔެވުން ކެންސަލް ވެފައިވާ ކަމަށެވެ.
ހާލަތަށް ރިޢާޔަތް ކޮށް ކެމްޕަސް ތަކަށް ދަތުރުކުރުމާއި ބްލޮކް ތައް ކެންސަލް ކުރި ވާހަކަ ހުރިހާ ބޭފުޅުންގެ މައުލޫމާތަށް ޓަކާ ދަންނަވާކަމަށް އެމްއެންޔޫގެ ފްލިސް އިން ބުނެފައިވެއެވެ.
ނުރައްކާތެރި ކޮވިޑް-19 ދިވެހިރާއްޖެ އިން ފެނިފައިވާއިރު މި ވައިރަސް ޖެހިގެން 2 މީހަކު ކަރަންޓީން ކޮށްފައި އެބަ ތިއްބެވެ.
އެމްއެންޔޫއިން ވަނީ އެ ޔުނިވާސިޓީގެ ދަސްވެނިމުން ވެސް ވައިރަހާއި ގުޅިގެން ފަސްކޮށްފަ އެވެ.
ކޮވިޑް-19 ރޯގާ އާ ގުޅިގެން 8 މާރޗް 2020 ދުވަހުގެ ރޭ ބޭއްވުމަށް ހަމަޖެހިފައިވާ ދަސްވެނިވުން ފަސްކުރުމަށް ނިންމައިފީމެވެ.
އިތުރު މަޢުލޫމާތު: https://t.co/NMRliS0W5w pic.twitter.com/Yxq1hP3BSi
— The Maldives National University (@MNUedu) March 8, 2020
އެމްއެންޔޫގެ ދަސްވެނިމުން ފަސްކޮށްފައި ވަނީ ރާއްޖޭގެ އެކި ހިސާބުތަކުން އެ ދަސްވެނިމުމަށް ދަރިވަރުން މާލެއަށް އައި ފަހުން އެންމެ ފަހު ވަގުތުގަ އެވެ. އެ ޔުނިވާސިޓީ އިން ބުނީ ދަސްވެނިމުން ބާއްވާނޭ ތާރީހެއް ފަހުން އަންގާނޭ ކަމަށެވެ.
