14 އަހަރުގެ އަންހެން ކުއްޖަކަށް އެ ކުއްޖާގެ ދޮންބައްޕަ ޖިންސީ ގޯނާ ކުރި މައްސަލައެއް ބަލަން ފަށައިފި އެވެ.
ފުލުހުން ބުނީ ނޯތު ސެންޓްރަލް ޕޮލިސް ޑިވިޝަން ހިމެނޭ ރަށެއްގައި 14 އަހަރުގެ އަންހެން ކުއްޖަކަށް، އެ ކުއްޖާގެ ދޮން ބައްޕަ ޖިންސީ ގޯނާ ކުރި މައްސަލަ އެއް 2020 މާޗް 2 ވަނަ ދުވަހު ފުލުހުންނަށް ހުށައެޅިފައިވާ ކަމަށެވެ.
ފުލުހުން ބުނީ މި މައްސަލައާއި ގުޅިގެން 31 އަހަރުގެ ދިވެހި ފިރިހެނެއް ހައްޔަރުކޮށްފައިވާ ކަމަށެވެ.
މި މައްސަލަ ފުލުހުން ބަލަމުން އަންނަ ކަމަށްވެސް ފުލުހުން ބުނެއެވެ.
ކުޑަކުދިންނަށް ކުރާ އަނިޔާ އަކީ ފުލުހުން ވަރަށް ސީރިއަސްކޮށް ބަލަމުންދާ މައްސަލައެއް ކަމަށް ފުލުހުން ބުނެއެވެ. އަދި އަދި ކުޑަކުދިންގެ އައިޑެންޓިޓީތައް ރައްކާތެރި ކުރުމަށްޓަކައި ފުލުހުން ކުދިންގެ އަތޮޅާއި ރަށް ހާމަ ނުކުރާކަމަށް ފުލުހުން ބުނެއެވެ.
