ގައިގައި ހުންނަ އިސްތަށިނައްތާލާ އޮމާން ހަންގަނޑެއްގެ ވެރިއަކަށްވުމަކީ ކޮންމެ މީހަކުވެސް ވަރަށް ބޮޑު އިސްކަމެއް ދޭ ކަމެކެވެ. މި އިސްތަށި ނައްތާލުމަށްޓަކައި ބައެއް މީހުން ޝޭވްކުރާއިރު އަނެއްބައި މީހުން ހެއާރ ރިމޫވާ ބޭނުންކުރެއެވެ. މީގެ އިތުރުން ބައެއް މީހުން ވެކްސްކުރާއިރު، ވެކްސް ކުރުމަކީ އިސްތަށި ނައްތާލަން މިހާރު އެންމެ އާންމު އެއް ގޮތެވެ. ވެކްސް ކުރުމުން އިސްތަށި ފަޅާލެއް މަދުވެ، ލަސްވި ނަމަވެސް މިއީ ވަރަށް ވޭންހުރި ކަމެކެވެ. އެހެންނަމަވެސް މީހާގެ ހަންގަނޑުގެ ރީތިކަމަށްޓަކައި މި ތަދު އިހްސާސްކޮށް ކޮންމެ މަހަކު އެއްފަހަރު ވެކްސްކުރާ މީހުން ވަރަށް ވެސް ގިނައެވެ. ވެކްސްކުރުމުން ހަންގަނޑުގެ ބުޑުން އިސްތަށިތައް ނައްތާލެވުމުން، އިސްތަށިތައް ފެޅުން ލަސްވި ނަމަވެސް ވެކެސް ކުރުމުގައި އަދި ވެކްސްކުރުމަށްފަހު ފަރުވާކުޑަކޮށްލެވިއްޖެ ނަމަ ވަރަށް ގިނަ ގެއްލުންތައް ހަންގަޑަށް ލިބެއެވެ.
އެހެންކަމުން ވެކްސްކުރާ މީހުން އަބަދުވެސް ވެކްސް ކުރުމުގެ ކުރިން ލޯޝަން ފަދަތަކެތި ބޭނުން ނުކުރުމަށާއި އަދި ވެކްސްކުރާ ހިސާބު ސާފުކޮށް ބެހެއްޓުމަށް ހާއްސަ އިސްކަމެއް ދިނުން މުހިއްމެވެ. ވެކްސް ކުރުމަށް ފަހު 48 ގަޑިއިރު ވަންދެން ހަންގަނޑު ހުންނާނީ ވަރަށް ނާޒުކު ކޮށެވެ.އެހެންކަމުން ހަންގަނޑުގެ ރަތްކަން ކަނޑުވާލުމަށާއި ދިލަނެގުން ލުއިކުރުމަށްޓަކައި ފިނިފެނުން ނުވަތަ ފިނިކޮށްފައިވާ ކިރުން ބޮނޑިތާން ކޮށްލުން ރަނގަޅެވެ.