“ރޯދައިގެބަދިގެ” މިސެގްމެންޓްގައި ކޮންމެދުވަހަކު ގެނެސްދޭ ރެސިޕީއަށް މިއަދު ޚާއްސަކޮށްލަނީ ފުށްޖެހިކަވާބް ތައްޔާރުކުރާނެގޮތް
ބޭނުންވާތަކެތި:
މަސްގަނޑު ތައްޔާރުކުރުމަށް:
3 ދަޅުމަސް
1 ގިޔެތޮމިރުސް
1/3 ޖޯޑު ހިކަނދިފަތް
3 ޖޯޑް އަލުވި ފެނުކައްކާފައި (ޗަސްކޮށްފައި)
1 ސަމްސާ އަސޭމިރުސް
1 ސަމްސާ އިނގުރު ގާނާފައި
3 ފިޔާ ކޮށާފައި
ލުނބޯހުތް (ރަހަލާވަރަށް)
ލޮނުކޮޅެއް
ފުށް ތައްޔާރުކުރުމަށް:
3 ޖޯޑް ފުށް
1 ބިސް
1 ސަމްސާ ލޮނު
1/2 ސަމްސާ ރީނދޫ
1 1/2 ސަމްސާ ބޭކިންގ ޕައުޑަރ
ފެން
ތެޔޮ ތެލުލުމަށް
ތައްޔާރުކުރާނެގޮތް:
އެންމެފުރަތަމަ ތައްޓެގައި ފިޔާ، މިރުސް، އިނގުރު، އަސޭމިރުސް އަދި ލޮނުއަޅާފައި ރަނގަޅަށް މޮޑެލާށެވެ. ދެން މަސްއެޅުމަށްފަހު ރަނގަޅަށް މޮޑެވުމުން އަލުވި ވެސް އަޅާފައި ވަރަށް ރަނގަޅަށް މޮޑެލާށެވެ. ދެން ވަށްކޮށް ގުޅަޖަހާފައި ބަހައްޓާށެވެ.
ފުށްތައްޔާރުކުރުމަށް: ލޮނު، ރީނދޫ ބޭކިންޕައުޑަރ ބިސް އެޅުމަށްފަހު ފެންވެސް އަޅައިގެން އޮލަކޮށް ގިރާލާށެވެ. ތައްޔާރު ކުރި ފުށްގަނޑު ތެރެއަށް ފަހަރަކު ގުޅައެއް އެޅުމަށްފަހު އޭގެ ބެރުގައި ފުށް އުނގުޅުނީމަ ސަމްސަލަކުން ނަގާފައި ތެލަށް އަޅާފައި ތެލުލާށެވެ.