އިއްޔެ އައްޑޫ ސިޓީގައި ހިނގި ސައިކަލު އެކްސިޑެންޓެއްގައި ބޮލަށް އަނިޔާވި ހަ އަހަރުގެ ކުއްޖާ އެމަޖެންސީގައި މިއަދު މާލެ ގެނެސްފި އެވެ
ހެލިކޮޕްޓަރުގައި އެ ކުއްޖާ އެމަޖެންސީކޮށް މާލެ ގެނެސްފައި ވަނީ ބޮލަށް އަނިޔާވެފައިވާތީ މާލެއިން ފަރުވާ ކުރުމަށް ކަމަށް އެމްއެންޑީއެފުން ބުނެފައިވާއިރު އެ ކުއްޖާއަށް ލިބިފައިވާ އަނިޔާތަކުގެ ތަފްސީލު އެމްއެންޑީއެފުން ދީފައެއް ނުވެއެވެ
‘އޭއޯ ނިއުސް’ އަށް މައުލޫމާތު ލިބިފައިވާ ގޮތުން މި އެކްސިޑެންޓު ހިނގީ އެ ކުއްޖާ ހިތަދޫ އައިއެމްޑީސީ ކައިރިން ދުވެފައި ނުކުތް ވަގުތު ސައިކަލެއްގައިޖެހިގެންނެވެ.
ބޮލަށް އަނިޔާވި ކުޑަކުއްޖާގެ އިތުރުން، ހިތަދޫ ހޮސްޕިޓަލުގައި ބޭސް ކުރަމުންދިޔަ، އަވަސް ފަރުވާއަށް ބޭނުންވެފައި އޮތް ކުޑަ ކުއްޖަކު ވެސް ހެލިކޮޕްޓަރުގައި ވަނީ މާލެ ގެނެސްފަ އެވެ.