މިދިޔަ ހަފްތާގައި ރާއްޖޭގެ މަސްވެރިން ކިރުވި މަހަށް، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން 9.5 މިލިޔަން ރުފިޔާ ދޫކޮށްފައިވާކަމަށް އެކުންފުނީގެ ތަފާސްހިސާބުތަކުން ދައްކައިފިއެވެ.
މިދިޔަ ހަފްތާގައި މިފްކޯއަށް ޖުމްލަ 276 މަސްދޯންޏަކުން ވަނީ މަސްކިރުވާފައެވެ. މިފްކޯއިން އާންމުކޮށްފައިވާ ތަފާސްހިސާބުތަކަށް ބަލާއިރު، މިދިޔަ ހަފްތާގައި މިފްކޯއަށް 276 ދޯންޏަކުން މަސްކިރުވާފައިވާއިރު، މިއީ އޭގެ ކުރީ ހަފްތާގައި މިފްކޯއަށް މަސްކިރުވި ދޯނިތަކުގެ އަދަދާ އަޅާބަލާއިރު 17.4 ޕަސެންޓު އިތުރު އަދަދެކެވެ. އޭގެ ކުރީ ހަފްތާގައި މިފްކޯއަށް 235 ދޯންޏަކުން ވަނީ މަސްކިރުވާފައެވެ. މިދިޔަ ހަފްތާގައި މަސްވެރިންނަށް މުޅި ޖުމްލަ 9،543،442 ރުފިޔާ ވަނީ ދޫކޮށްފައެވެ. މި ފައިސާ ދޫކުރެވިފައިވަނީ މަސްވެރިންގެ މަސްކިރުވުމަށްފަހު ހަމަޖެހިފައިވާ އުސޫލުންނެވެ.
މިފްކޯގެ ތަފާސްހިސާބުތަކަށް ބަލާއިރު، މިދިޔަ ހަފްތާގެ ތެރޭގައި މަސްވެރިންނަށް އެންމެ ގިނަ އަދަދަކަށް ފައިސާ ދޫކޮށްފައިވަނީ ހޮނިހިރު ދުވަހުއެވެ. އެގޮތުން އެދުވަހު މިފްކޯއަށް 53 ދޯންޏަކުން މަސްކިރުވާފައިވާއިރު، އެ ދޯނިތަކަށް މުޅި ޖުމްލަ 2،161،726 ރުފިޔާ ވަނީ ދޫކޮށްފައެވެ. މިފަދަ ދުވަހީ ފައިސާ ދޫކުރުންތަކުން ދިވެހި މަސްވެރިކަމުގެ ދިރުން ދައްކުވައިދެއެވެ.
