ވިމެން އިން މެނޭޖްމަންޓް (ވިމް)ގެ ހަތަރު ވަނަ ޕްރޮފެޝަނަލް އެވޯޑް ޙަފްލާ ރޭ، ކުރުނބާ މޯލްޑިވްސް ރިސޯޓުގައި ބާއްވައިފިއެވެ.
ފަސްޓްލޭޑީ ފަޒްނާ އަހްމަދު ޝަރަފުވެރިކޮށްދެއްވެވި މި ރަސްމިއްޔާތުގައި ވިމްގެ ޗެއާޕާސަން ޑރ. ސުލޯޗަނާ ސެގެރާ އާއި ވިމްގެ ރާއްޖޭގެ ޗެޕްޓާގެ ޗެއާޕާސަން މިންހާ ފާއިޒް ރަޝާދާއި ސަރުކާރުގެ ބައެއް މިނިސްޓަރުން ނާއި މުއައްސަސާ ތަކުގެ ވެރިން ވަނީ ބައިވެރިވެފައެވެ.
ވިމް މޯލްޑިވްސްއިން ވަނީ މިފަހަރު އަލަށް ތިން ކެޓަގަރީއަކުން އެވޯޑު ދީފައެވެ. އެއީ މޭލް ޗެމްޕިއަން އާއި އިންޓަނޭޝަނަލް ވުމެން އޮފް ދަ އިޔާ އަދި އެކްސްޕަޓިރޭޓް އެވޯޑެވެ.
ލީޑާރޝިޕް އެކްސެލެންސް އެވޯޑް ލިބުނު ފަރާތްތައް:
އެމާޖިން ސްޕޯޓްސް ޕާސަނަލްޓީ ލިބުނު ފަރާތްތައް
އައުޓްސްޓޭޑިން ވުމެން އެންޓަޕްރިނާ އެވޯޑް ލިބިފައިވަނީ ނާރެސް ޕްރައިވެޓް ލިމިޓެޑް ކުންފުނީގެ ވެރިޔާ އާމިނަތު އާދަމް އަށެވެ. އިންވޭޓިވް ސޯޝަލް އެންޓްޕްރިނާގެ އެވޯޑް ލިބިފައިވަނީ ބައިކް މޯލްޑިވްސްގެ ރައީސާ ޒުލެއިހާ ހަސަން އަށެވެ. އަދި އައުޓްސްޓޭންޑިން ވުމެން އެންޓްޕްރިނާ ސްމޯލް އެންޓަޕްރައިސަސް އެވޯޑް ލިބިފައިވަނީ ފްރުޓީ މެލޭ ކޭކްސްގެ ފައުންޑަރ އަދި ވެރިޔާ ފާތިމަތު ޝިފާ މޫސާއަށެވެ. .ޔޫތު ލީޑާ އޮފް ދަ އިޔާ އެވޯޑް ލިބިފައިވަނީ ޒުވާން މަސްވެރިޔާ ހުސެއިން ސާޖިން އަށާއި ފިރާޝާ މުހައްމަދު އަށެވެ. ކެރިއާ ރޯލް މޮޑަލް އޮފް ދަ އިޔާގެ އެވޯޑް މަރިޔަޒް ނުޒްލާއަށް އަދި ކޯޕަރޭޓް ލީޑާ އޮފް ދަ އިޔާގެ އެވޯޑް ލިބިފައިވަނީ އައިޝަތު ނޫރައްދީން އަށެވެ. ޓްރެއިބްލޭޒާ ދާއިރާގެ އެވޯޑް ޑިފެންސް މިނިސްޓަރު މާރިޔާ އަހުމަދު ދީދީއަށް އަދި އެޑްވޮކޭޓް ފޯ ވުމެން އެމްޕަވާމެންޓް ދާއިރާއިން އެވޯޑް ލިބިވަޑައިގެންނެވީ އަނީސާ މުހައްމަދު އަށެވެ.