ފުވައްމުލައް ސިޓީގައި ގާއިމުކުރި ޓޭބަލް ޓެނިސް ސެންޓަރުގެ މަސައްކަތް ނިންމާލައިފިއެވެ.
ޔޫތު މިނިސްޓަރު އަހުމަދު މަހްލޫފް ކުރެއްވި ޓުވީޓެއްގައި ވިދާޅުވީ، ފުވައްމުލައް ސިޓީގައި ގާއިމުކުރާ ޓޭބަލް ޓެނިސް (ޓީޓީ) ސެންޓަރުގެ މަސައްކަތް ނިންމާލާފައިވާކަމަށެވެ. މީގެ އިތުރުން މަހްލޫފް ވިދާޅުވީ މާލޭ ނޫން އެހެން ރަށެއްގައި ފުރަތަމަ ފަހަރަށް ގާއިމްކުރެވުނު މި ސެންޓަރުގައި ބިދޭސީ ކޯޗަކާއެކު ތަމްރީންތައް ކުރިއަށް ދާނެކަމަށެވެ.
ރާއްޖޭގެ އެކިކަންކޮޅުތަކަށް ކުޅިވަރު ފުޅާކުރުމުގެ ސިޔާސަތުގެދަށުން،ފުވައްމުލަކުގައި ގާއިމްކުރާ ޓީޓީ ސެންޓަރު ގެ މަސައްކަތްމިވަނީ ނިމިފަ.
މިއީ މާލޭ ނޫން އެހެން ރަށެއްގައި ގާއިމްކުރެވޭ ފުރަތަމަ ޓީޓީ ސެންޓަރު. ބިދޭސީ ކޯޗަކާއެކު މިސެންޓަރުގައި ތަމްރީންތައް ކުރިއަށް ގެންދެވޭނެ.🇲🇻🏓 pic.twitter.com/jvqYSaz7gz
— Ahmed Mahloof (@AhmedMahloof) June 4, 2022
ޓީޓީ އެސޯސިއޭޝަނުން ރާއްޖޭގައި މި ކުޅިވަރު ދިރުވާ އާލާކުރުމަށް ގިނަ މަސައްކަތްތަކެއް ކުރަމުން އަންނައިރު ތ.ތިމަރަފުށި އަދި އައްޑޫ ސިޓީގައި ހުރި ޓީޓީ ސެޓަޕް އިތުރަށް ފުރިހަމަކޮށް ތަރައްޤީ ކުރުމުގެ މަސައްކަތްވެސް އަންނަނީ ކުރަމުންނެވެ.
ފާއިތުވި ދުވަސްތަކުގައި، ޓީޓީ އިން ރާއްޖެއަށް ގިނަ ކާމިޔާބީތަކެއް ލިބިފައިވާއިރު، ޔޫތު މިނިސްޓްރީންވެސް އަންނަނީ ކުޅިވަރުގެ ދާއިރާއިން ރާއްޖެ އަށް އިތުރު ކުރިއެރުން ހޯދައިދިނުމަށް ގިނަ މަސައްކަތްތަކެއް ކުރަމުންނެވެ.
